Al traviés del Programa Erasmus, los alumnos pueden cursar parte de los sos estudios -de primer, segundu o tercer ciclu- n'universidaes de países estranxeros, dientro del ámbitu de la Unión Europea. Cada añu, cerca d'un millar d'estudiantes de la Universidá d'Uviéu benefíciense de les movilidaes internacionales Erasmus pa completar parte de los sos estudios nuna Universidá estranxera.
Les ayudes Erasmus Estudios tán cofinanciaes pola Unión Europea (UE), la Universidá d'Uviéu y el Ministeriu d'Educación, Cultura y Deporte y cubren el sobrecostu que supón estudiar n'otru país. La Unión Europea ufierta ayudes adicionales a estudiantes con discapacidaes. Toles ayudes son compatibles coles beques y ayudes del Ministeriu d'Educación.
Puede solicitar una beca Erasmus Estudio tou aquel que tea matriculáu na Universidá d'Uviéu n'estudios reglaos de grau o estudios oficiales de posgráu y superara, antes d'entamar la movilidá, 60 créditos.
Declaración de Política Erasmus
La Universidá d'Uviéu llogró per parte de la Comisión Europea'l Certificáu de Calidá acreditativu de la concesión de la Carta Erasmus pa la Educación Superior (Carta ECHE) pal periodu 2021-2027. (Español / Inglés )
La calidá de la Política Erasmus de la Universidá d'Uviéu pal periodu 2021-2027 foi valorada per parte de la Comisión Europea cola máxima puntuación (100/100).
- Carta d’Axudicación de Certificáu de Calidá pa la concesión de la Carta ECHE 2021-2027
- Declaración de Política Erasmus de la Universidá d’Uviéu 2021-2027
- Evaluación de la Política Erasmus 2021-2027 de la Universidá d’Uviéu
Movilidaes internacionales de la Universidá d'Uviéu
La Universidá d'Uviéu robló alcuerdos de movilidá con más d'un millar d'universidaes y centros d'investigación. La ufierta de destinos inclúi instituciones de tol mundu.
Cada añu actualízase la ufierta de destinos y convoquen distintos tipos d'ayudes pa financiar la movilidá d'estudiantes tanto de grau, como de master y doctoráu, según movilidaes docentes y movilidaes de formación de personal docente ya investigador y d'alministración y servicios.
Documentos rellacionaos:
Enllaces rellacionaos:
- Consulta na Intranet de la Universidá d'Uviéu la última convocatoria del programa (plazos de solicitú, documentación esixida, pruebes d’idiomes, llistes d’almisión, etc.)
- Consulta los destinos de movilidaes Erasmus + disponibles na Intranet
Destinos Erasmus estudios
Documentos
- Guía del Programa Erasmus
- SEPIE: Serviciu Español pa la Internacionalización de la Educación
- Guía sobre créditos ECTS publicada pol SEPIE
Destinos Erasmus estudios
Ver DESTINOS ERASMUS ESTUDIOS en un mapa más grande
