Rectorado

Rectoráu

El rector ye la máxima autoridá académica de la universidá, ostenta la so representación y exerz la so dirección, gobiernu y xestión.

Correspuenden al rector les siguientes funciones o competencies:

Representar la universidá.
Convocar, presidir y dirixir les sesiones del Claustru, del Conseyu de Gobiernu y del Conseyu Rectoral.
Dirixir, coordinar y supervisar les actividaes de la universidá y l'exerciciu de les funciones atribuyíes a los distintos órganos de gobiernu.
Efectuar propuestes al Claustru, al Conseyu de Gobiernu y al Conseyu Social y executar los acuerdos d’esos órganos.
Dictar les normes básiques d'organización y, nel so casu, de la estructura orgánica del Rectoráu, del Conseyu Rectoral, de los Vicerrectoraos, de la Secretaría Xeneral y de la Xerencia.
Desarrollar normativamente, cuando sía necesario pa la so execución, les disposiciones adoptaes pol Conseyu de Gobiernu.
Presidir tolos actos universitarios nos que pueda tar, ensin perxuiciu de les prerrogatives de protocolu d'otres autoridaes.
Facer la investidura de doctor honoris causa y conferir les demás distinciones de la Universidá.
Nomar y cesar les persones qu'ostenten los vicerrectoraos, la Secretaría Xeneral y los restantes órganos unipersonales xenerales de la universidá.
Proponer el Xerente y nomalu en conxuntu col Conseyu Social, amás d’acordar el so cese.
Nomar y cesar los Decanos, Vicedecanos y Secretarios de Facultaes y los Directores, Subdirectores y Secretarios d'Escueles, Departamentos y Institutos.
Suscribir y denunciar en nome de la universidá tou tipu de convenios con otres universidaes, alministraciones públiques y persones físiques o xurídiques, públiques o privaes.
Convocar los procesos selectivos d'accesu y provisión de places vacantes de personal docente y investigador y d'alministración y servicios.
Nomar el personal funcionario de la universidá.
Firmar los contratos del personal llaboral de la universidá.
Exercer la xefatura superior de tol personal con servicios a la universidá, lo mesmo que de tolos miembros de la comunidá universitaria, adoptando les decisiones disciplinaries que la llexislación vixente nun atribuya a otru órganu.
Autorizar los actos estraordinarios qu'hayan de celebrase na corte universitaria.
Espidir, en nome del Rei, los títulos que tengan calter oficial y validez en tol territoriu nacional y, en nome de la universidá, toa clase de títulos y diplomes.
Dirixir la elaboración de los anteproyectos de presupuestu, de la cuenta xeneral de la universidá y del plan tresañal d'actuación.
Contratar en nome de la universidá, autorizar los gastos y ordenar los pagos.
Aprobar les tresferencies de creitu ente los diversos conceptos de los capítulos d'operaciones corrientes y toos aquellos cambeos presupuestarios non atribuyíos normativamente a otros órganos, dando cuenta d'ello al Conseyu de Gobiernu.
Llevantar, cuando sía procedente, los reparos de la Intervención.
Resolver les reclamaciones contra les propuestes de provisión de places del personal docente y investigador según lo normativamente establecío.
Resolver los recursos alministrativos de la so competencia.
Cuantes competencies-y atribuyan la lexislación, los Estatutos de la Universidá y les sos normes de desarrollu, según cualesquier otres que correspuendan a la universidá y nun fueren atribuyíes espresamente a otros órganos.

L’Edificiu del Rectoráu

L'Edificiu del Rectoráu ye'l despachu oficial del rector, ta nel centru d'Uviéu y ye anexu al Edificiu Históricu. D'antiguo, foi l'edificiu qu'albergó otra de les fundaciones valdesianas: el Colexu de Neñes Güérfanes Recoletes, concebíu pa dar espaciu a neñes güérfanes y probes del Obispáu d'Uviéu. L'orixe d'esti centru data de 1676, añu nel qu'empezó a funcionar coles mires de fomentar la educación de la muyer con un espíritu innovador, qu'incluyía actividaes tan poco habituales daquella como la llectura y l'álxebra.