El programa de Convenios Internacionales ufierta más de 70 places n'universidaes d'Alemaña, Arxentina, Brasil, Canadá, China, Estaos Xuníos, Francia, Italia, México, Nueva Zelanda, Perú, Rusia, Taiwán y Túnez coles que tien convenios de cooperación la Universidá d'Uviéu que dexen cursar parte de los estudios nelles.

El programa de convenios internacionales ufierta fórmules bien flexibles de movilidá internacional como los cursos de branu y dexa, en dellos casos, llograr el títulu de la universidá de destín

Estos convenios ufierten estudios oficiales (grau, máster universitariu o doctoráu) y garanticen la so plena reconocencia académica. Hai convenios que dexen llograr el títulu pola universidá de destín. Tamién hai dellos cursos de branu.

Ver DESTINO MOVILIDÁ DE CONVENIU nun mapa más grande

¿Quién puede solicitar una movilidá?

Tolos estudiantes matriculaos na Universidá d'Uviéu n'enseñances reglaes de grau o posgráu pueden solicitar una movilidá de conveniu. Van tener qu'entamar los trámites pa la so estancia nel estranxeru a principios del cursu anterior a la so movilidá.

¿En qué condiciones económiques marcharía?

Los convenios de cooperación señalen, en cada casu, si se dispón de matrícula gratuita y/o d'ayuda de viaxe.

¿Cómo ye la selección?

Escuéyese según l'espediente académicu, la nota del exame obligatoriu d'idioma y, nel so casu, una entrevista pa evaluar la madurez y la fluidez oral nel idioma. Tamién cuenta la participación nel programa añal de Tándem y nel Programa a-dUO.

Los alumnos interesaos en solicitar una movilidá de conveniu pueden consultar na Intranet de la Universidá d'Uviéu la evolución de la última convocatoria del programa: plazos de solicitú, documentación esixida, pruebes d'idiomes, llistes d'almisión…