La Facultá de Xeoloxía ta nun edificiu del arquitectu asturianu Ignacio Álvarez Castelao, nel Campus de Llamaquique d'Uviéu. La so privilexada localización, nel centru d'una rexón tan rica y interesante dende'l puntu de vista xeolóxicu, dexa un acercamientu fácil a localidaes incomparables pol so interés didácticu pal aprendizaxe de la Xeoloxía.

El so plan docente pon especial atención na formación xeolóxica nel campu y un altu porcentaxe de la docencia consiste na realización de práctiques de campu. La facultá imparte'l grau Xeoloxía, creáu en 1958, y el máster oficial en Recursos Xeolóxicos y Inxeniería Xeolóxica. Les salíes profesionales de los futuros xeólogos tán relacionaes con campos como la investigación de petróleu, minería, estudios pa obra civil, hidroxeoloxía, mediu ambiente, infraestructura xeolóxica, riesgos xeolóxicos, estudios sobre costes…