La Facultá d'Economía y Empresa, resultáu de la unión de dellos centros, ye una de les grandes facultaes de la Universidá d'Uviéu en númberu d'estudiantes, docentes, titulaciones, oportunidaes profesionales, convenios internacionales, servicios, relaciones con empreses y con axentes sociales. Ufierta cuatro titulaciones de grau n'Alministración y Dirección d'Empreses; Economía; Contabilidá y Finances y Relaciones Llaborales y Recursos Humanos, un doble grau n'Alministración y Dirección d'Empreses y Derechu y tres másteres n'Alministración y Dirección d'Empreses, Sistemes d'Información y Análisis Contable y Instrumentos del Análisis Económicu.
La facultá cunta amás cola prestixosa acreditación de l’AACSB (Association to Advance Collegiate Schools of Business), organismu internacional que reconoz les meyores escueles de negocios del mundu. Solo seis instituciones españoles y el 6% de les facultaes y escueles de negocios del mundu recibieron esti sellu qu'acredita la calidá y escelencia na so formación. Con esta reconocencia, demuestra qu'algamó la escelencia en toles sos árees, incluyendo la enseñanza, la investigación, el desarrollu de los sos planes d'estudiu y l'aprendizaxe de los estudiantes.
