El Departamentu de Contabilidá de la Universidá d'Uviéu ye la unidá de docencia y investigación encargada de coordinar les enseñances de Contabilidá dientro de l’área de conocimientu d'Economía Financiera y Contabilidá. Esti departamentu desenvuelve la so docencia en distintos graos y posgraos ufiertaos por un total de 8 centros y participa nel programa de doctoráu n'Economía y Empresa al traviés d'una llínea d'investigación especializada en Contabilidá.

El profesoráu tien una dilatada esperiencia en docencia, investigación y trabayos de consultoría n'ámbitos relacionaos colos sistemes d'información contable y toma de decisiones nel senu de distintos tipos d'organizaciones económiques, tanto privaes como públiques.