El Departamentu de Bioloxía d'Organismos y Sistemes, “el BOS”, créase en 1986, constituyíu poles árees de conocimientu d'Antropoloxía Física, Botánica, Ecoloxía, Fisioloxía Vexetal y Zooloxía. Taba entós allugáu nel edificiu de la Facultá de Xeoloxía (Campus de Llamaquique). Actualmente, la estructura del BOS complétase coles árees de conocimientu d'Inxeniería Agroforestal y Producción Vexetal, dambes localizaes nel edificiu de la Escuela Politécnica de Mieres.

El Departamentu de Bioloxía d'Organismos y Sistemes ta integráu poles siguientes árees de conocimientu, nes que s'estructura la docencia: Antropoloxía Física, Botánica, Ecoloxía, Fisioloxía Vexetal, Inxeniería Agroforestal, Producción Vexetal y Zooloxía.