La Escuela Politécnica de Mieres ta nel Campus de Mieres, nel denomináu Edificiu Científicu Tecnolóxicu. Trátase d'unu de los edificios más modernos y meyor capacitaos de la Universidá d'Uviéu, qu'acueye 27 aules con medios audiovisuales y accesu a internet, 69 llaboratorios pa impartir la importante carga práctica de los graos y 10 aules d'informática. Amás, dispón d'una bona biblioteca y un salón d'actos pa conferencies con capacidá pa 358 persones. El Campus Universitariu complétase con otros tres edificios: l'Edificiu d'Investigación, el Complexu Deportivu y la Residencia Universitaria.

Les titulaciones que s'imparten actualmente nesta Escuela son 4 graos n'Inxeniería: Inxeniería Civil, Inxeniería de los Recursos Mineros y Enerxéticos, Inxeniería Xeomática y Inxeniería Forestal y del Mediu Natural. Amás, impártese un doble grau n'Inxeniería Civil-Inxeniería de los Recursos Mineros y Enerxéticos y dos másteres: Inxeniería de Caminos, Canales y Puertos y Xeotecnoloxía y Desarrollu de Proyectos SIG.