La Universidá d'Uviéu y Ecopilas anovaron güei el so alcuerdu de collaboración que tien por oxetivu contribuyir al desenvolvimientu del prototipu de moto eléctrica cola que la Universidá d'Uviéu participa na competición MotoStudent, al traviés del equipu Wolfast Uniovi. El conveniu, que yá se robló en trés ediciones, inclúi una aportación per parte de Ecopilas de 4.000€ para'l desenvolvimientu de l'actividá.

La firma del conveniu tuvo llugar esta tarde, nun actu nel que participaron la vicerrectora de Tresferencia y Relaciones cola Empresa, Susana Luque; el profesor coordinador del equipu Wolfast Uniovi, Álvaro Noriega, y el presidente de Ecopilas, José Pérez García. Nel actu tamién tuvo presente Santiago Fernández, director de la Fundación Universidá d'Uviéu, y miembros del equipu Wolfast Uniovi. 

Wolfast Uniovi ye'l representante de la Universidá d'Uviéu na competición internacional Motostudent, certame promovido pola Moto Engineering Foundation y cola collaboración d'importantes organizaciones del mundu del motociclismu como DORNA o ANESDOR. Motostudent ye un desafíu biañal ente universidaes de too el mundu, que ta incluyíu nel calendariu de la FIM (Federación Internacional de Motociclismu).