Los miembros de la Comisión Sectorial de Profesoráu del Grupu 9 d'Universidaes (G-9), axuntaos el 20 y 21 de payares na Universidá de Zaragoza, so la presidencia del so rector, José Antonio Mayoral, destacaron la necesidá urxente de que'l Gobiernu faiga públicu, lo antes posible, l'estatutu para'l Personal Docente ya Investigador (PDI), que va afectar a les universidaes públiques españoles. El futuru estatutu va ser esencial para definir el proceder y les responsabilidaes del personal docente ya investigador nestes instituciones, asegurando un desenvolvimientu progresivu na so carrera del profesional, y lluchando contra la inestabilidá llaboral. La comisión sectorial cuntó cola participación de Pedro Alonso, vicerrector de Polítiques de Profesoráu y Ordenación Académica de la Universidá d'Uviéu.

De segundes, aldericóse sobro la evaluación del profesoráu, l'aplicación del programa DOCENTIA y los sos efectos sobro la acreditación del profesoráu, poniendo de manifiestu les desigualdaes qu'atoparía'l profesoráu a la de progresar na so carrera académica en función de les distintes característiques de les fórmules implementaes. Igualmente asocedería en relación col llamáu sexeniu docente, si ye que se llegara a enllantar. Les universidaes del Grupu G-9 tán convencíes de que siquier los preseos qu'afecten a quien formen parte de los cuerpos docentes universitarios, que, al ser cuerpos nacionales, tienen de quedar unificaos dende'l gobiernu estatal.

Per otra parte, énte la puxanza de centros universitarios privaos n'España, hai consensu ente los responsables de Profesoráu del G-9 en que les universidaes públiques precisen enfatizar les sos fortalecessobremanera, la so capacidá pa tresferir conocencies y tecnoloxía al sector granible, y a la sociedá nel so conxuntu. Encamentar al gobiernu a que se revisen les normes reguladores de la creación de nueves universidaes.

Amás, la comisión sectorial manifiesta la so esmolición pol desenvolvimientu de distintes temes amestaes a la implementación de la LOSU, como, por casu, la evaluación entemedia prevista pal profesoráu ayudante doctor.