El Conseyu de Gobiernu de la Universidá d'Uviéu aprobó esta mañana'l reglamentu que va dexar el teletrabajo para'l personal técnico, de xestión y d'alministración y servicios (PTGAS) de la institución académica. El testu establez que la prestación del teletrabajo va tener calter voluntariu y reversible, con una duración de seis meses y la posibilidá de teletrabajar dos díes per selmana. El documentu recueye tamién que'l personal qu'empreste los sos servicios por aciu teletrabajo va tener los mesmos deberes y derechos qu'el que lo realice presencialmente. La norma va ser d'aplicación potencial, con esceiciones por razones de serviciu, para tol PTGAS, funcionariu o llaboral, incluyíu l'interín y envernada, de la Universidá d'Uviéu, aprosimao, daqué más d'un millar de persones. El conseyu tuvo presidíu por Irene Díaz, vicerrectora d'Investigación, n'ausencia del rector Ignacio Villaverde.

José Antonio Díaz Llagu, xerente de la Universidá d'Uviéu, recordó que la regulación del trabayu en remotu incluyíase como midida de meyora y modernización de les condiciones llaborales del programa electoral del rector Villaverde. Díaz Llagu sorrayó tamién qu'esti nuevu reglamentu ye frutu del consensu alcanzáu ente l'equipu de gobiernu universitariu y los sindicatos con representación na institución académica: CCOO, CSIF, ISA, SIPU y UXT. El testu foi informáu amás favorablemente pola Xunta de Personal Funcionario Non Docente, el Comité d'Empresa y el Serviciu Xurídicu. Esti nuevu reglamentu va entrar a valir a otru día de la so publicación nel BOPA.

Requisitos d'accesu

El xerente esbilló dalgunos de los requisitos que tendrán de cumplir quien quieran acoyese a la modalidá del teletrabajo. Tienen que tener una antigüedá igual o superior a un añu nel puestu de trabayu, tener competencies informátiques, formalizar un plan individualizáu pa trabayar en remotu, disponer d'una bona conexón a internet y tener formación específica pal teletrabajo.  

El reglamentu aprobáu esta mañana recueye tamién que van tener accesu prioritariu a esta modalidá d'empléu, les madres lactantes, quien tengan descendientes menores de 12 años o mayores con discapacidá reconocida, les persones con dependientes al so cargu, les víctimes de violencia de xéneru o d'actos terroristes, según aquelles otres situaciones contemplaes na normativa estatal o autonómica. El xerente sorrayó amás que'l reglamentu establez un baremu nel que se tienen en cuenta aspecto como la conciliación de la vida familiar cola llaboral, causes de salú del trabayador, tener más de 60 años o criterios ecolóxicos y de protección del mediu ambiente, al evitase desplazamientos. 

El procedimientu d'autorización, íntegramente electrónicu, parte de la solicitú del comenenciudu y rique d'un informe del serviciu alministrativu del que depende'l trabayador, de la revisión y verificación per parte del serviciu de xestión de personal qu'ellabora la propuesta de resolvimientu y, finalmente, del vistu bonu de la xerencia. El testu establez tamién la creación d'una Comisión Técnica de Siguimientu del Teletrabajo dependiente de la xerencia y contempla que la universidá va apurrir a les persones que trabayen nesta modalidá los medios tecnolóxicos necesarios pa la so actividá. 

Otros alcuerdos del Conseyu de Gobiernu

Al marxe del reglamentu de teletrabajo, el máximu órganu de gobiernu universitariu aprobó, amás, los nomamientos de los representantes del Conseyu Social nes comisiones delegaes del Conseyu de Gobiernu y de los miembros de la Comisión de Doctoráu.