La Universidá d'Uviéu desenvuelve ente los díes 4 y 13 de setiembre les Xornaes d'Acoyida empobinaes al estudiantáu de nuevu ingresu. Les facultaes y centros de la institución académica diseñaron un calendariu con sesiones informatives y visites que van sirvir, amás, pa dar la bienvenida al alumnáu. 

Esta iniciativa pretende averar los distintos estudios y centros ya informar sobro los servicios que la Universidá d'Uviéu pon a disposición del alumnáu, lo mesmo que de los sos derechos y deberes como estudiantes, les posibilidaes de participación y les víes d'información y orientación de les que disponen.

El vicerrector d'Estudiantes y Empleabilidá, Alfonso López Muñiz, punxo de relieve estes xornaes, que son la primera toma de contactu cola Universidá d'Uviéu pal estudiantáu de nuevu ingresu. Por ello, convidó al alumnáu a participar p'afayar los centros nos que van desenvolver los sos estudios y conocer a quien van ser los sos compañeros y compañeres nos próximos años.

Les Xornaes d'Acoyida empiecen el miércoles, 4 de setiembre, na Escuela Politécnica d'Inxeniería, en Xixón, y nes facultaes de Medicina y Ciencies de la Salú y de Química, n'Uviéu. En concretu, el calendariu previstu ye'l siguiente:

• Escuela Politécnica d'Inxeniería de Xixón: miércoles y xueves, 4 y 5 de setiembre, a les 10:00 hores. Salón d'Actos del Edificiu Polivalente de la EPI. Dos sesiones pa les que se riquir inscripción: https://epigijon.uniovi.es/estudiantes/nuevos 
• Facultá de Medicina y Ciencies de la Salú: miércoles, 4 de setiembre, a les 10:00 hores na Aula A de la facultá.
• Facultá de Química: miércoles y xueves, 4 y 5 de setiembre, a les 9:30 hores. El miércoles, sesión informativa sobro normativa universitaria y otros asuntos d'interés pal estudiantáu na Aula 01. El xueves, visita a les instalaciones del centru y a la biblioteca.
• Facultá de Filosofía y Lletres: xueves, 5 de setiembre, a les 9:30 hores, nel Salón d'Actos de la Biblioteca de Humanidad Emilio Alarcos Llorach.
• Facultái Padre Ossó: xueves, 5 de setiembre, nel Salón d'Actos, a les 10:00 hores, l'estudiantáu de los graos n'Educación Infantil y Educación Primaria y, a les 12:00 hores, los graos n'Educación Social y Terapia Ocupacional.
• Facultá d'Inxeniería Informática: vienres, 6 de setiembre, en dos veces, a les 9:00 y a les 12:00 hores, nel Salón d'Actos.
• Escuela Politécnica de Mieres: vienres, 6 de setiembre, a les 10:00 hores, na Sala de Graos del Edificiu Científicu-Tecnolóxicu.
• Facultá de Derechu: vienres, 6 de setiembre, a les 9:00 hores, na Aula Magna de la Facultá.
• Escuela Cimera de Marina Civil de Xixón: martes, 10 de setiembre, a les 9:00 hores, nel Salón d'Actos.
• Facultá de Bioloxía: martes, 10 de setiembre, a les 9:15 hores, na Aula A de la facultá.
• Facultá de Comerciu, Turismu y Ciencies Sociales Xovellanos: martes, 10 de setiembre, a les 11:30 hores, acoyida del estudiantáu del grau en Comerciu y Marketing, na Aula 013. A les 16:30 hores, xornaes de los graos de Turismu y Trabayu Social, na Aula 013. La facultá programó tamién xuna sesión telemática pal alumnáu del grau en Xestión y Alministración Pública.
• Facultá d'Enfermería de Xixón: martes, 10 de setiembre, a les 9:00 hores, en Salar númberu 3 de Llaboral Ciudá de la Cultura.
• Facultá de Formación del Profesoráu y Educación: martes, 10 de setiembre, a les 9:30 hores, los graos en Pedagoxía (Aula N-10), Educación Infantil (Salón d'Actos) y Educación Primaria (Aula S-28). A les 12:00 hores, grau en Ciencies de l'Actividá Física y del Deporte (Salón d'Actos). 
• Facultá de Psicoloxía: martes, 10 de setiembre, a les 11:00 hores, nel Salón d'Actos de la facultá.
• Facultá de Xeoloxía: martes, 10 de setiembre, a les 10:00 hores, na Aula D de la facultá. 
• Facultá d'Economía y Empresa: miércoles, 11 de setiembre, a les 12:30 hores, na Aula Magna de la facultá.
• Facultá de Ciencies: xueves, 13 de setiembre, a les 13:00 hores, nel Salón d'Actos de la Facultá de Formación del Profesoráu y Educación.

Cabo recordar, amás, que les clases del nuevu cursu académicu 2024-2025 van arrincar el próximu martes, 10 de setiembre.