Actualización
El sistema de adscripción de grupos per parte del estudiantáu ta funcionando, anque con dalguna incidencia, polo qu'esti xueves, 29 d'agostu, de 13:30 a 14:00 hores, va dar en una paralización del sistema para implementar nueves meyores.
Una incidencia informática xeneró problemes na elección de grupu per parte del alumnáu. Estos problemes afectaron especialmente a facultaes con gran númberu d'estudiantes como Economía y Empresa y Derechu. Para resolver el problema y en calteniendo una xunta colos centros, consensuóse una apertura gradiada d'alcuerdu al siguiente calendariu:
Facultá d'Economía y Empresa
- Xueves, 29 d'agostu, a les 10:00 hores, Grau de ADE y Grau de Relaciones Llaborales y Recursos Humanos.
- Xueves, 29 d'agostu, a les 16:00 hores, Grau d'Economía y Graos de Contabilidá y Finances.
Facultá de Derechu
- Vienres, 30 d'agostu, a les 12:00 hores, Grau de Derechu.
- Llunes, 2 de setiembre, a les 12:00 hores, Grau de Criminoloxía y dobles graos.
La universidá comunica que se modificó tamién el calendariu na Facultá de Medicina y Ciencies de la Salú y na de Formación del Profesoráu y Educación para evitar problemes mayores.
Facultá de Medicina y Ciencies de la Salú
- Llunes, 2 de setiembre, a les 12:00 hores, Grau de Medicina y Grau d'Enfermería.
- Miércoles, 4 de setiembre a les 10:00 hores, Grau de Fisioterapia y Grau d'Odontoloxía.
Facultá de Formación del Profesoráu y Educación
- Vienres, 30 d'agostu, a les 10:00 hores, grau d'Educación Infantil.
- Llunes, 2 de setiembre, a les 10:00 hores, grau d'Educación Primaria.
Los centros unviaron yá un corréu a los alumnos indicándo-yos los nuevos horarios. Nel restu de los centros nun se detectaron incidencies. La institución académica anuncia amás que se tán tomando midíes para evitar qu'estos problemes vuelvan producise'l próximu cursu.
